من فترة كنت بعمل دراسة جدوى لمشروع ، فالمهم يعني بعد ما خلصتها ، بدأ اصحاب المشروع يقعدوا مع مسوقين علشان يمسكوا المشروع بتاعهم ، وانا كنت تطوعت اقعد معاهم وهما بيختاورا علشان كنت خايف ان يكون فى الاختيار يكون فى عدم دقه

لما قعدت مع كتيير جدا من اللى مقدمين وبيقولوا على نفسهم مسوقين ، حرفين لقيت فوق ال90% منهم بيتعامل مع الماركتنج على انه بوست وديزاين عالفيس ، هنزلك 5 بوستات واخد 800 جنيه فى الشهر ، ولا تحب ازودلك بوستين ونزود الفلوس ؟؟

الماركتنج شئ اكبر من كدا بكتير ، وحقيقي الماركتيرز اللى بجد يتاقل بالدهب ، فى مؤسسات مرتبات الماركتيرز بتكون اكبر من مرتب مدير المؤسسة شخصيا ، طبعا دا الماركتير اللى بجد مش بتاع خمس بوستات فى الشهر .

علشان كدا بقيت لما بقعد مع حد ببدا اشوفه فاهم يعني ايه خطة عمل يعني ايه ستراتيجي يعني ايه 7Ps يعني ايه user profile ، لازم اساله على التفاصيل دي وتفاصيل تانيه ، وطبعا من اهم التفاصيل هي خطة العمل بتتعمل ازاى

فمثلا خطة العمل بتتكون من كذا جزء
1- بداية معانا Executive Summary ، ودا معناه البهاريز او الملخص المفيد علشان تاخد فكره قبل ما تبدا تخش فى تفاصيل وحيثيات كل جزء

2- وبعدها Situation Analysis : ودا المهم يتعمل علشان نفهم هوا وضع المشروع ايه ، بمعني نبدا نقيس عوامل قوة المشروع اللى هنبدا نركز عليها وعوامل الضعف اللى ممكن نبدا نوضحها باشكال مختلفه او نتجنبها على اسوأ تقدير ، ونبدا نشوف فرص المؤسسة ممكن تستغلها واخيرا التهديدات علشان نبعد عنها ، طبعا مش دا النموذج الوحيد فى النقطة دى ، اللى فات دى اسمها SWOT Analysis فى برضوا حاجة اسمها عوامل مايكل بوتر ، ودى موضوع مهم مفروض تدور عليه

3- بعدها Strategic Analysis ودى بتبدا تشوف فيها بناء على اللى فات انت متارجت انهى شريحه فى السوق ، ومين العملاء اللى انت هتركز معاهم لانهم هما اللى هيكونوا مهتمين بالمنتج بتاعك وازاى هتبني القيمة بتاعتك علشانهم

4- ثم تبدا فى جزء الـ Tactical Analysis ودا هتبدا تشوف هل انت منتج علشان تهتم بالـ 4Ps واللى هما Place المكان والتسعير Pricing والProduct ودا تفاصيل المنتج بتاعك واخيرا الPromotion ودا الجزء الخاص بالترويج ، اما بقى لو انت بتقدم خدمه فانت هتعزود عليهم كمان تلاته اللى هما People ودول الناس اللى بيقدموا الخدمه عندك والPhysical Environment ودى البيئه المحيطة اللى بتاثر على الخدمه بتاعتك واخيرا الProcess ودى العمليات اللى بتتم فى الخدمه بس ساعتها بنسميها 7Ps

5- وطبعا بالنسبة لصاحب البيزنس اهم جزء هوا دا لان هنتكلم فيه عن الجزء الـ Financial ودى بنهتم فيها بحاجة اسمها Profit and Loss Projection وللى هيا مختصرا لحد ما نجيلها فى بوست عن الماليات ، دى طريقة بحسب بيها هامش الربح ، علشان اقدر احدد التارجت بتاعى واتوقع ارباح معينه هتخش ، وبناء عالارباح دى احدد الMarketing Budget اللى هتقدر توصلني للتارجت دا ، وبعد فترة من الشغل لازم اعمل Profitability Analysis علشان نتاكد ان الدنيا ماشيه تمام

6- اخر جزء هوا الـ Practical Implementation ودى بقى بنبدا نعمل المراحل اللى هنعدي بيها علشان نوصل لاهدافنا ونبدا نحط تاسكات وديدلاينات وحاجة اسمها Milestone ودى يعني زى وقت او حدث كدا فى وقت ما مفروض لما نوصله يكون وصلنا لحاجة معينه ، زي مثلا لو مقسمين التارجت بتاعنا ل4 اجزاء ، فاحنا حاطين لكل جزء مثلا 15 يوم ، فاحنا هنعمل Milestone كل 15 يوم .

طبعا كل شركة بيكون فى اختلافات بين Marketing Plans اللى فيها ، بس يعني ممكن نقول ان دى اساسيات عامه اغلب الشركات محتاجاها